Fernández Leiceaga reclama completar as investigacións sobre o accidente de Angrois

  • Escrito por La Redacción - Agencias
  • Publicado en Panorama Galicia

SANTIAGO DE COMPOSTELA, 21/02/2017.- El portavoz del PSdG-PSOE, Joaquín Fernández Leiceaga, durante el pleno en el que se debatió la creación de una comisión de investigación sobre el accidente del Alvia, esta mañana en el Parlamento de Galicia. EFE/Lavandeira jr. SANTIAGO DE COMPOSTELA, 21/02/2017.- El portavoz del PSdG-PSOE, Joaquín Fernández Leiceaga, durante el pleno en el que se debatió la creación de una comisión de investigación sobre el accidente del Alvia, esta mañana en el Parlamento de Galicia. EFE/Lavandeira jr.

O portavoz do Grupo Socialista, Xoaquín Fernández Leiceaga, instou hoxe a completar as investigacións sobre o accidente de Angrois. No debate da solicitude de creación da Comisión de Investigación no Parlamento de Galicia, explicou que é o Congreso dos Deputados o ámbito natural de investigación política sobre este asunto.

O portavoz socialista anunciou a abstención no debate da creación da Comisión de Investigación, porque “non nos opoñemos a este criterio, pero non o compartimos” xa que “non sería útil” a súa creación na Cámara autonómica. Dixo que “o Congreso ten competencia plena e capacidade de esixir que os responsables poidan acudir” mentres a Cámara autonómica estaría supeditada a unha comparecencia “estritamente voluntaria”.

Engadiu que “non é no Parlamento de Galicia onde hai que facer o traballo” de concederlle ás vítimas “satisfacción completa e un relato convincente” xa que carece de “capacidade para reclamar os informes en tempo e forma e para que as testemuñas se produzan”.

Vítimas

Ademais, dixo, “as demandas das vítimas precisan dunha satisfacción completa que a día de hoxe non se produciu” e, dixo, “é o PP quen toma a decisión” de rexeitar a constitución da Comisión de Investigación en Galicia. No mesmo sentido, explicou, sería o grupo maioritario quen tomaría a decisión sobre o funcionamento, organización e “todos os aspectos da mesma” no caso de ser creada.

O responsable socialista instou a completar as dúas investigacións en marcha para determinar as responsabilidades penais, a través do procedemento xudicial aberto na audiencia provincial, e da investigación técnica por parte de Fomento, que foi replicada pola Axencia Europea do Ferrocarril.

Estas dúas vías, dixo, deberán determinar por unha banda as responsabilidades penais “en toda a súa amplitude” e pola outra determinar a concatenación de elementos que produciron o accidente e garantir a seguridade nas liñas ferroviarias para evitar que se repitan estes sinistros.