Más noticias Galicia

Leiceaga, “seguro” de que a nova proposición de lei conxunta evitará o “veto político” para a transferencia da AP-9

O portavoz parlamentario do PSdeG, Xoaquín Fernández Leiceaga, e a deputada Begoña Rodríguez Rumbo presentaron hoxe en Ordes as emendas aos Orzamentos da Xunta que afectan ao concello. Leiceaga destacou asimesmo a importancia da iniciativa conxunta do Parlamento dunha nova proposición de lei para a transferencia da AP-9 a Galicia que evite “o veto político” para a súa tramitación no Congreso. “É unha boa noticia e estamos seguros de que desta vez se vai discutir no Congreso, para despois poder discutir desde Galicia coa concesionaria como podemos mellorar a xestión” da autoestrada, dixo.

Feijóo comparecerá a petición da oposición para dar conta da Conferencia de Presidentes

O portavoz do Grupo Socialista, Xoaquín Fernández Leiceaga, urxiu hoxe ao presidente da Xunta a consensuar unha posición común no debate tanto do modelo de financiamento como sobre a cuestión demográfica que comeza hoxe na Conferencia de Presidentes Autonómicos. O presidente da Xunta comparecerá no próximo Pleno a petición dos grupos da oposición para dar conta dos resultados da Conferencia.

Réxime de sancións para as agresións por LGTBIfobia

A portavoz de Política Social, Emprego, Mocidade, Voluntariado e LGTBI do Grupo Socialista, Noela Blanco, propuxo hoxe incorporar un réxime de sancións contra as agresións homófobas á Lei de Igualdade de Trato e non Discriminación de LGTBI. Así o dixo logo dun encontro con representantes de colectivos LGTBI que tivo lugar hoxe no Grupo Socialisat.

Os socialistas propoñen mobilizar 700 millóns de euros do orzamento para crear emprego, impulsar a economía e recuperar os servizos públicos

O portavoz do Grupo Socialista, Xoaquíon Fernández Leiceaga, propuxo hoxe mobilizar máis de 700 millóns de euros dos orzamentos da Xunta para crear emprego, incentivar a economía e recuperar os servizos públicos. Así o dixo logo da Xunta de Portavoces que fixou o Pleno do próximo luns no que terá lugar o debate de Totalidade dos Orzamentos.

Os socialistas pedirán informes sobre a xestión nos colapsos de urxencias e un plan progresivo de aumento de personal

O portavoz de Sanidade do grupo socialista, Julio Torrado, vén de rexistrar unha batería de iniciativas no Parlamento para que a Xunta responda canto antes ante a mala xestión en varios dos principais hospitais de Galicia, que están a rexistrar continuos colapsos nos servizos de Urxencias nas últimas datas. Torrado advirte de que estes episodios de saturación en Urxencias son só “a punta do iceberg” dos problemas no sistema sanitario, no que existe “unha grave falta de previsión” en datas nas que é habitual que se produzan picos de actividade, unido a un problema estrutural de “falta de profesionais, falta de medios e dotación de recursos”.

Os socialistas trasladan a súa prepocupación pola incapacidade de Galicia de aumentar cotizantes e a fenda con respecto a España

A portavoz de emprego do grupo socialista, Noela Blanco, valora a caída do paro en 2016 pero pon o foco na “preocupante incapacidade” de Galicia para que a baixada do desemprego se traduza en postos de traballo reais e cotizantes á Seguridade Social, así como na “evidente fenda” que se está a consolidar entre a comunidade galega e o resto de España.